Elg og hjort
Allmenningen er for tida inndelt i 6 jaktfelt:
Visdalen/Leirdalen
Ytterdalen
Bøverdalen/Høydalen
Vårdalen/Smådalen
Vårdalen nord for Otta elv.
Gjende - Jotunheimen NP*
Jakta blir utlyst og tildelt for to år, neste periode er i 2026-2027. Rullering av felta gjev ei fordeling der 60% av fellingsløyva er forbehalde innanbygds jaktlag. Tildeling skjer etter trekning mellom lag som oppfyller kriteria. (*Jakt på jaktfeltet “Gjende-Jotunheimen NP” blir seld som kortidsjakt)
Frå 1. november blir resterande kvote av hjort- og elg lagt ut til salg som kortidsjakt for enkeltjegerar eller lag. Informasjon om eventuell kortidsjakt, søknad og tildelingsrutinar blir lagt ut på heimesida til fjellstyret i slutten av oktober.
For informasjon om pris, reglar, søknad, tildeling m.m. sjå søknadssidene på inatur som de finn nederst på denne sida.
Storukse felt i Leirlia 2016.
Kortidsjakt elg- og hjort 2025
Det blir opna for kortidsjakt på resterande kvote av elg- og hjort i november. Jakta blir tildelt i 5- dagers perioder så langt det er ledige løyver. Periodene går onsdag til søndag, med oppstart den 5. november. Ordinær søknadsfrist 31. oktober, eventuelle ledige løyver vil etter dette bli tildelt fortløpande ved interesse
Tildeling- og oppfylling av perioder fortløpande så lenge det er ledige løyver. Jegere med korrekt utfylt søknadsskjema, som har søkt innan ordinær søknadsfrist, blir prioritert.
Den som får tildelt kort kan ta med seg inntil 3 tilleggsjegerar. Pris pr kort er kr. 600,- for hovudjeger og kr. 300,- for tilleggsjeger. Ved felling blir det gjort opp etter slaktvekt, kr 95 pr. kg,-. Innbetalt kortpris kjem da til fråtrekk.
Villrein
Lom Fjellstyre har omlag 5 løyver på rein i den delen av Vårdalen statsalmenning som ligg nord for Otta elv.
Fellesjaktavtale saman med Finndalen statsalmenning og andre grunneigerar gjer at ein kan jakta på heile villreinområdet som ligg innanfor Lom og Vågå kommune.
Søknadsfrist blir utlyst i lokalavis og på heimesida
Rådyr
Det er rådyrjakt i Visdalen-, Leir- og Bøverdalen statsalmenning og i Vårdalen statsallmenning nord for Otta elv. Jakta er inndelt i 3 ukers bolkar. Alle løyva blir utdelt i første periode. Dei dyra som ikkje blir felt, går vidare til neste periode. Jakt/periode blir tildelt ved trekning. Dei som ikkje får jakt i fyrste periode får jakt i dei påfylgjande periodane dersom det er ledige løyver. Første periode startar 1. oktober. Frå 10. oktober er det lov med bruk av laus hund.
Vi sel jaktkort for bukkejakt frå 10. august. Desse blir selde i to 5 dagars periodar: 10-14. august og 16.-20. august.
Krav om ettersøkshund/avtale med godkjent ettersøksekvipasje. Pris er 1000,- for bukkejakt og 500,- for ordinær jakt.
Jakta kan søkjast via skjema utlagd nedanfor med søknadsfrist 1. mai.