Førehandsvarsling - Regulering av rypejakta jaktåret 2026/27
Lirypetaksering for Lom Fjellstyre er nå gjennomført, resultata syner ein kjuklingproduksjon på 4,2 pr. vaksne par og eit tettheitsestimat på 15,8 liryper pr. km2.
Med bakgrunn i takseringsresultatet blir det med dette førehandsvarsla slik forslag om regulering av rypejakta gjennom dagkvoter og avgrensing i jakkortsalget for jaktåret 2026/27:
Lom fjellstyre vedtek med heimel i §23 i fjellova slike kvoter for rypejakta 2026/27:
• Dagkvote på 2 ryper* pr. dag
• Totalkvote på 6 ryper* for 5-dagers og vekeskort
• Sesongkvote på 12 ryper*
* Det blir ikkje differensiert på lirype eller fjellrype. Kvote på 2 ryper er enten 2 fjellryper, 2 liryper eller ei av kvar.
Grunngjevinga for vedtaket er estimert bestandssituasjon sett mot erfaringsgrunnlag om jaktuttak og historiske bestandssvingingar.
Jakttid og avgrensingar i kortsal er uendra.
Saksframlegget finn de her.
Saka blir behandla av fjellstyret torsdag 27. august.
Det vil bli opna for salg av småviltjaktkort gjennom inatur laurdag 5. september klokka 09:00. Kort i begrensa perioder blir seld etter “fyrste mann til mølla” prinsippet.
