Fjellstyra administrerer bruken og utnyttinga av rettar og lunnende i statsallmenning slik fjellova og forskrift om seter og tilleggsjord m.m. i statsallmenning bestemmer.
(FOR 1984-06-22 nr. 1302)

I Lom er det relativt aktiv setring, og forproduksjonen i fjellet har stor betydning for jordbruket i bygda. Av dei 113 registrerte setrene i Lom i 2009, driv 19 med mjølkeproduksjon, 16 med ku og 3 med geit.

Det er 2 organiserte beitedrifter, beitelaget i Storådalen og Veodalen beitelag.

Veodalen beitelag sleppte 108 storfe i Veodalen denne beitesesongen 2008, nokre få dyr fleire enn året før. Dei hadde tilsett gjetar på heiltid, Magnus Jacobsen, som også hadde tilsynet med hestane til Gudbrandsdal Fjordhestlag, som sleppte hingst med hoppefylgje her att.  Fjellstyret løyvde kr. 10.000 i driftstilskot til Veodalen beitelag både i 2008 og 2009.

I Gjendeområdet er det Storådalen beitelag som organiserer og står for fellesdrifta, med Roald Ramen og Per Morten Mork som gjetarar på deltid.  Også her var det omlag det same dyretalet som før, 128 dyr i 2008, 125 dyr i 2007. Fjellstyret løyvde kr.15.000 i tilskot til drifta her både i 2008 og 2009.