I 2010 vil fjellstyret starte arbeidet med registrering og kontroll av om setrar og utvist tilleggsjord er i bruk.

Fjellstyremøtet den 1.mars vedtok endringer i jaktkortordninga for både småvilt og storvilt, og endring i fiskereglane. Vedtaket vert lagt ut til offentleg ettersyn frå den 2.3.2010 med frist til å kome med merknader innan den 24.3.2010. Eventuelle merknader skal stilast til Direktoratet for naturforvaltning, Tungasletta 2, 7400 Trondheim, som er klageorgan, men sendast til Lom fjellstyre. Forskrift om jakt, felling og fangst i statsallmenning

Lom fjellstyre tilbyr vinterjakt utan hund på hare og rype.  Det blir ikkje jaktbegrensing på vinterjakta i år heller til tross for varierande og til dels dårleg rypebestand.

MEN ALLE BLIR OPPFORDRA TIL Å VISE MÅTEHOLD, OG PRAKTISERE EI DAGSKVOTE PÅ 2 RYPER UAVHENGIG OM DU JAKTAR LIRYPE ELLER FJELLRYPE.

I statsallmenningane i Holtålen vart det innført stans i jakt på rype og barfugl. Dette vedtaket vart anka, og klaga vidaresendt til Direktoratet for naturforvaltning. Klagaren fekk medhold. Les svaret frå DN her.

Utvikling i rypebestanden, kva jakta betyr for bestandsutviklinga og aktuelle tiltak for å begrense jakttrykket, vart diskutert på det opne møtet på Norsk Fjellmuseum den 16. november 2009. Småviltforvaltninga er vanskeleg og utfordrande, og det er ingen klare svar på korleis jaktregulering bør vere. På møtet kom det fram fleire forslag til tiltak som fjellstyret vil diskutere, og som kan vere aktuelle å gjennomføre.

Fjellstyremøtet den 18.12.2009 behandla søknadane om stønad frå fjellkassa. Korleis midlane vart fordelt, finn du under "les meir".
Møtet gav positiv uttale til 2 søknader om støtte frå Grunneigarfondet: Til parkeringsplass til almenn bruk ved Juvasshytta, og til Klimapark2469.
Om du ønskjer å lese saksdokument frå fjellstyremøta, finn du det ved å gå inn på "Fakta" på menylinja, klikke deg inn på "Fjellstyret",- og "Fjellstyresaker".
Det var avsett kr 60.000 til tiltak i allmenninga og almennyttige formål i 2009.

Midlane vart fordelt slik:
Vedlikehald og utbedring av Meadalsvegen kr 15.000,-.
Veganlegget Nyrneshaugen - Grøna elv kr 12.000,-.
Driftstilskot til Storådalen beitelag kr 15.000,-.
Driftstilskot til veodalen beitelag kr 10.000,-.
Dei resterande 8000,- er løyvd tillegare i 2009, kr 5000,- til turbokprosjekt og kr 3000,- til fylkesleir 4H.

Desse tiltaka fekk avslag på sin søknad:
Opparbeiding av parkeringsplass til alment bruk ved Juvasshytta.
Vedlikehald av vegar i Bøvertjønnen hytteområde.

Antal fiskekort som årleg blir seld i statsallmenningane i Lom, er svært stabilt. I år er det ein liten auke i sal av stongkort, og ein liten nedgong i sal av kort for fastståande redskap.

Magnar Flaten felte heilt sist i jakta ein hjortbukk på Leiråsen som viste seg å vera merka i høgre øyra med eit plastmerke.  Ved søking på nettet har vi funne ut at hjortbukken truleg har innvandra heilt frå grensa til Sør-Trøndelag på Nordmøre, og at den har vore merka i samband med eit prosjekt som pågår i Nordmøre og Sør-Trøndelag. Av tilgjengeleg data frå prosjektet framgår det at den 18.3.2008 vart det ved Stemshaug i Aure kommune merka ein bukk med farge og nummer på merket tilsvarande det vi fann på bukken som i haust vart felt på Leiråsen.  Bukken var frå 2007 og hadde på tidspunktet for merkinga ei levande vekt på 59 kg.

Prosjektet har tittelen ”Merke- og utviklingsprosjekt hjort - Nordmøre og Sør-Trøndelag” og det

skal bidrage til å auke kunnskapen om trekkmønsteret og arealbruken til hjorten, og bidrage til auka kunnskap om hjortens krav til, og bruk av leveområda. Meir informasjon og resultat frå prosjektet finn du ved å gå inn på http://www.hjortmerk.no/index.asp

Saka har fått omtale i avisa Tidens Krav, avis for Nordmøre.

Storviltjakta på felta våre vart avslutta den 31.oktober.

I feltet Visdalen, Leir- og Bøverdalen vart heile kvota felt, 6 elg og 2 hjort + 2 tilleggsdyr hjort.
Av elg vart det felt 2 oksar, 2 kyr og 2 kalvar,største oksen var på 244 kg.
Av hjort vart det felt 4 dyr, 2 store bukkar, ein 11 og ein 12 takkar, ein mindre bukk og ein kalv.

I feltet Vårdalen vart det ikkje felt dyr i år. Kvota var på 1 ungdyr elg.

2009 var siste året av kontraktsperioden på 3 år. Fjellstyret vil vurdere både feltinndelinga og kontraktslengda for neste sesong.